elavokato
...::: كـــ | مميز | ـــول :::...
نوعى : 
مساهماتى : 242
أنا عندى ؟؟ سنة : 35
أنـا : 
انا من : 
بشتغل : 
ن م : 
 | موضوع: يوميات رجل مفتري  الخميس يونيو 25, 2009 8:59 am | |
| قمت من النوم والدنيا كلها ضلمة
اصل انا مدفعتش النور والعيال فى ثانوية عامة
افتح باب الاوضة وابص شمال ويمين
الدنيا اصلا حر والناس مش طايقين
عايزين يستحموا واصلا مفيش مية
اصل انا بحوش فلوس عشان اشترى عربية
واخدت المروحة فى الحتة الى بتعجبنى
وقفلت بالترباس عشان محدش يزعجنى
وقبل ما اقفل الباب اخدت نفس عميق
وقالتلى مراتى بحقد يكفيك شر الطريق
و ولعت المروحة وقعدت سيد زمانى
الناس دى بتدلع وانا اللى بشقى وبعانى
*************
وانا قاعد كده مبسوط 24 قراط
والدنيا كلها وردى واخر انبساط
قولت لمراتى مسمعتيش قالو ايه عليكى
جارتنا اللى جمبنا قاعدة بتشتم فيكى
قالتلى وانت سمعت الخبر دة امتى
قولتلها مش عايز اقولك لحسن تطبى ساكتة
ولبست مراتى وراحت اتخانقت معاهم
وانا قاعد اضحك جوة واستمتع على قفاهم
والست طلعت فتوة وقعدت تضرب فى مراتى
وانا قاعد اضحك ضحك عمرى ما ضحكته فى حياتى
ورجعتلى فى الاخر عينيها مورمة
قولتلها ايه يا حياتى انتى ليه متشلضمة
نسيت اقولك انهاردة اول ابريل
كل سنه وانتى طيبة وتاخد غيرها يا جميل
*****************
وانا معدى كده فى حالى ولا على بالى حاجة
سمعت صوت غريب من ناحية التلاجة
اتارى ابنى الصغير انعدمت منه الرحمة
وبيفتح التلاجة وبيدور على لحمة
معملتش فيه حاجة زى مانتوا فاكرين
بس وديته المدرسة ريحته كلها فازلين
ولما راح المدرسة وبعد عناء طويل
اكتشف اخيرا انى عملته ديل
وعشان اعمل اللى عليه فى انتقامى الجبار
كتبتله على الشنطة حمار للايجار
واما رجع من المدرسة بصلى بكره وبغل
الواد جاله الضغط وشكله بكرة هيتشل
************************
ومراتى بتشتكى ديما وبتقول عليا مفترى
وانا اصلا غلبان وحالى يصعب على الكمسرى
كل ده عشان امبارح مجبتلهمش فطار
وانا يا عينى مكلتش غير لحمة وشوية ممبار
والواد عايز هدوم عشان يروح المدرسة
جبتله شورت مخروم وفنلة ملحوسة
والواد الكبير امتحان التخرج بكرة
بعته مشوار صغير من الجيزة لشبرا
**************
حماتى العزيزة جت تقعد معانا يومين
وقالتلى اشيل الشنط بس على مين
شلتلها شنطة صغيرة متجيش 2كيلو
وسبتلها جرمأ شنط عشان تروح تشيلو
واول ما طلعت لبستلها لبس حرامى
وقعدت فى وسط السلم اخليها تقول كلامى
اقولها الشنطة دى فيها ايه
تقولى فيل يابنى هضحك عليك ليه
وطلعت الشقة تجرى زى المهابيل
قاعدة تقول فيل والله العظيم فيل
ومراتى بتعيط وتضرب كف بكف
وانا قاعد اضحك وسايبها دماغها تلف
ده جزء ضغير من حياة باهرة
قصة حياة راجل كله افتراء!!! | |
|
sa7iir
...::: كـــ | مميز | ـــول :::...
نوعى :
مساهماتى : 366
أنا عندى ؟؟ سنة : 52
أنـا : 
انا من :
بشتغل : 
ن م :
| | موضوع: رد: يوميات رجل مفتري الثلاثاء يونيو 30, 2009 9:24 am | |
| | |
|
